mohabbat ka mujhe dawa hi kya hai
chalo jaane bhi do jhagDa hi kya hai
bahut kuchh dekhna hai aage aage
abhi dil ne mere dekha hi kya hai
ilahi kis ke liye girti hai bijli
nasheman mein mere rakkha hi kya hai
mohabbat mein jiye ya koi mar jae
kasi ki aap ko parwa hi kya hai
na manega na manega mera dil
nahin se aap ki hota hi kya hai
Ghazal
Mohabbat ka mujhe dawa hi kya hai
Aziz Hyderabadi