mohabbat ka jise irfan nahin hai
wo sab kuchh hai magar insan nahin hai
shuur-e-zindagi par miTne walo
shuur-e-zindagi aasan nahin hai
talab ka hath baDhta ja raha hai
KHayal-e-wusat-e-daman nahin hai
KHafa be-wajh naseh ho rahe ho
tumhaari baat kuchh quran nahin hai
wo mast-e-haal hai 'wasfi' ki us ko
gham-e-dil hai gham-e-dauran nahin hai
Ghazal
Mohabbat ka jise irfan nahin hai
Abdul Rahman Khan Wasifi Bahraichi