Mohabbat ka jahan hai aur main hun

mohabbat ka jahan hai aur main hun
mera darul-aman hai aur main hun

hayat-e-gham nishan hai aur main hun
musalsal imtihan hai aur main hun

nigah-e-shauq hai aur un ke jalwe
shikast-e-nagaghan hai aur main hun

usi ka nam ho shayad mohabbat
koi bar-e-giran hai aur main hun

mohabbat be-sahaara to nahin hai
mera dard-e-nihan hai aur main hun

mohabbat ke fasane allah allah
zamane ki zaban hai aur main hun

'qamar' taqlid ka qail nahin main
mera tarz-e-bayan hai aur main hun