MiTTi thi KHafa mauj uTha le gai hum ko

miTTi thi KHafa mauj uTha le gai hum ko
girdab mein sahil ki bala le gai hum ko

hum kab se lapakte hue sholon mein khaDe hain
is aag mein ek gul ki hawa le gai hum ko

ek sarw ki KHush-qamati aankhon mein basi thi
jo zillat-e-duniya se bacha le gai hum ko

sae ke taaqub mein ganwai hai magar umr
har samt wahi ek sada le gai hum ko

tu jaan-e-mohabbat hai magar teri taraf bhi
ek KHwahish-e-tashhir-e-wafa le gai hum ko