mere wajud ko maujudgi dikhati thi
diye ki lau mujhe diwar ka batati thi
main jab zamin se zohra pe jaya karta tha
tu kaenat ki zanjir khinchi jati thi
wo kya kiran thi jo aati thi mere sine mein
tumhaari dhup jab is jald tak na aati thi
main us ko KHwab mein kuchh aise dekha karta tha
tamam raat wo sote mein muskuraati thi
ajib waqt tha is bench par baghaicha mein
ki din gaya nahin hota tha raat aati thi
Ghazal
Mere wajud ko maujudgi dikhati thi
Faizan Hashmi