mere liye to ye bekar hone wala hai
ye dil ki dard se bezar hone wala hai
main us se KHwab ke raste pe milne aaya hun
magar wo nind se bedar hone wala hai
jo faisla sar-e-darbar hone wala tha
wo faisla pas-e-diwar hone wala hai
suna hai yusuf-e-sani wahan nahin aaya
suna hai KHatm wo bazar hone wala hai
wo jis ke hath se qisse ne maut pai hai
suna hai sahab-e-kirdar hone wala hai
Ghazal
Mere liye to ye bekar hone wala hai
Ishaq Veerdag