Mere labon pe usi aadmi ki pyas na ho

mere labon pe usi aadmi ki pyas na ho
jo chahta hai mere samne gilas na ho

ye tishnagi to mili hai hamein wirasat mein
hamare waste dariya koi udas na ho

tamam din ke dukhon ka hisab karna hai
main chahta hun koi mere aas-pas na ho

mujhe bhi dukh hai KHata ho gaya nishana tera
kaman khinch main hazir hun tu udas na ho

ghazal hi rah gai tahir-'faraaz' apne liye
jahan mein koi aisa bhi be-asas na ho