tere ishq mein aage sauda hua tha
par itna bhi zalim na ruswa hua tha
KHizan iltifat us pe karti baja thi
ye ghuncha-e-chaman mein abhi wa hua tha
kahan tha to is taur aane se mere
gali mein teri kal tamasha hua tha
gai hoti sar aablon ke pe hui KHair
baDa qaziya KHaron se barpa hua tha
gareban se tab hath uThaya tha main ne
meri aur daman sahra hua tha
zahe-talea ai 'mir' un ne ye puchha
kahan tha tu ab tak tujhe kya hua tha
Ghazal
Tere ishq mein aage sauda hua tha
Mir Taqi Mir