chori mein dil ki wo hunar kar gaya
dekhte hi aankhon mein ghar kar gaya
dahr mein main KHak-basar hi raha
umr ko is taur basar kar gaya
dil nahin hai manzil-e-sina mein ab
yan se wo bechaara safar kar gaya
haif jo wo nusKHa-e-dil ke upar
sarsari si ek nazar kar gaya
kis ko mere haal se thi aagahi
nala-e-shab sab ko KHabar kar gaya
go na chala ta-mizha-e-tir-e-nigah
apne jigar se tu guzar kar gaya
majlis-e-afaq mein parwana san
'mir' bhi sham apni sahar kar gaya
Ghazal
Chori mein dil ki wo hunar kar gaya
Mir Taqi Mir