rah-e-dur-e-ishq mein rota hai kya
aage aage dekhiye hota hai kya
qafile mein subh ke ek shor hai
yani ghafil hum chale sota hai kya
sabz hoti hi nahin ye sarzamin
tuKHm-e-KHwahish dil mein tu bota hai kya
ye nishan-e-ishq hain jate nahin
dagh chhati ke abas dhota hai kya
ghairat-e-yusuf hai ye waqt-e-aziz
'mir' us ko raegan khota hai kya
Ghazal
Rah-e-dur-e-ishq mein rota hai kya
Mir Taqi Mir