yaad-e-ayyam ki yan tark-e-shakebai tha
har gali shahr ki yan kucha-e-ruswai tha
itni guzri jo tere hijr mein so us ke sabab
sabr marhum ajab monis-e-tanhai tha
tere jalwe ka magar ru tha sahr-e-gulshan mein
nargis ek dida-e-hairan tamashai tha
yahi zulfon ki teri baat thi ya kakul ki
'mir' ko KHub kiya sair to saudai tha
Ghazal
Yaad-e-ayyam ki yan tark-e-shakebai tha
Mir Taqi Mir