ishq mein nai KHauf-o-KHatar chahiye
jaan ke dene ko jigar chahiye
qabil-e-aghosh sitam didgan
ashk sa pakiza guhar chahiye
haal ye pahuncha hai ki ab zoaf se
uThte palak ek pahar chahiye
kam hai shanasa-e-zar-e-dagh-e-dil
us ke parakhne ko nazar chahiye
sainkaDon marte hain sada phir bhi yan
waqia ek sham-o-sahar chahiye
ishq ke aasar hain ai bul-hawas
dagh ba-dil-e-dast basar chahiye
shart saliqa hai har ek amar mein
aib bhi karne ko hunar chahiye
jaise jaras para gulo kya karun
nala-o-afghan mein asar chahiye
KHauf qayamat ka yahi hai ki 'mir'
hum ko jiya bar-e-digar chahiye
Ghazal
Ishq mein nai KHauf-o-KHatar chahiye
Mir Taqi Mir