milna nahin to yaad use karna bhi chhoD de
diwar chhoD di hai to saya bhi chhoD de
ek aadmi se tark-e-marasim ke baad ab
kya us gali se koi guzarna bhi chhoD de
aana ab us ne chhoD diya hai agar to kya
dil be-sabab charagh jalana bhi chhoD de
mazbut kashtiyon ko bachane ke waste
dariya mein ek naw shikasta bhi chhoD de
allah ki zamin baDi hai bahut 'jamal'
izzat nahin jahan wahan rahna bhi chhoD de
Ghazal
Milna nahin to yaad use karna bhi chhoD de
Jamal Ehsani