mili hai rahat hamein safar se
thakan to le kar chale the ghar se
abhi palak par palak na baiThi
ye KHwab aane lage kidhar se
falak pe kuchh der chand Thahra
widaa lete hue sahar se
tawil nowel mein zindagi ke
tamam qisse hain muKHtasar se
wo dekhte dekhte hi ek din
utar gaya tha meri nazar se
usi gali mein nahin gae bas
guzar gae hum idhar udhar se
guzar-basar ki hai koi surat
ye sarf hogi guzar-basar se
dhuen se 'atish' jalengi aanhken
jale nahin hum is ek Dar se
Ghazal
Mili hai rahat hamein safar se
Swapnil Tiwari