mila kar KHak mein phir KHak ko barbaad karte hain
gharibon par sitam kya kiya sitam-ijad karte hain
hazaron dil jala kar ghair ka dil shad karte hain
miTa kar saikDon shahr ek ghar aabaad karte hain
moazzin ko bhi wo sunte nahin naqus to kya hai
abas shaiKH o barhaman har taraf fariyaad karte hain
hasinon ki mohabbat ka na kar kuchh e'tibar ai dil
ye zalim kis ke hote hain ye kis ko yaad karte hain
wahi shagird phir ho jate hain ustad ai 'jauhar'
jo apne jaan o dil se KHidmat-e-ustad karte hain
Ghazal
Mila kar KHak mein phir KHak ko barbaad karte hain
Lala Madhav Ram Jauhar