meri diwangi nahin jati
ro raha hun hansi nahin jati
tere jalwon se aashkara hun
chand ki chandni nahin jati
tark-e-mai hi samajh le ai naseh
itni pi hai ki pi nahin jati
jab se dekha hai un ko be-parda
naKHwat-e-agahi nahin jati
shoKHi-e-husn-e-be-aman ki qasam
husn ki sadgi nahin jati
un ki dariya-dili ko kya kahiye
meri tishna-labi nahin jati
Ghazal
Meri diwangi nahin jati
Shakeel Badayuni