mere us ke darmiyan ye fasla apni jagah hai
aahaTon aur dastakon ka silsila apni jagah hai
sina-e-awaz mein hai barf ki talwar gum
be-sada gumbad ka lekin masala apni jagah hai
main chamakti ret ki aTkheliyon ka hun asir
eDiyon ka iztirabi mashghala apni jagah hai
KHud-farebi ka bharam TuTa chalo achchha hua
unghti bedariyon ka marhala apni jagah hai
Ghazal
Mere uske darmiyan ye fasla apni jagah hai
Ashar Najmi