mere hi aas-pas ho tum bhi
in dinon kuchh udas ho tum bhi
barha baat jine marne ki
ek bikhri si aas ho tum bhi
sail-e-naghma pe itni hairat kyun
is nami se shanas ho tum bhi
main bhi Duba hun aasmanon mein
KHwab mein mahw-e-yas ho tum bhi
main hun TuTa sa paimana
ek KHali gilas ho tum bhi
gar main dukh se saja hua hun to
ranj se KHush-libas ho tum bhi
apni fitrat ka main bhi mara hun
apni aadat ke das ho tum bhi
meri miTTi bhi ret ki si hai
aur sahra ki pyas ho tum bhi
Ghazal
Mere hi aas-pas ho tum bhi
Alok Mishra