mehrban hum pe jo taqdir hamari hogi
aap ki zulf-e-girah-gir hamari hogi
umr-bhar aap hi dekhenge koi KHwab-e-tarab
lekin us KHwab ki tabir hamari hogi
aaj ki raat hai irfan-e-hijabaat ki raat
aaj har shama mein tanwir hamari hogi
aaj phir wasl ke uDte hue lamhe sun len
waqt ke paon mein zanjir hamari hogi
kuchh bhi ho aap ke mahaul ka mear-e-hayat
aap ke zehan mein taswir hamari hogi
tohmaton se hamein dega ye jahan dad-e-wafa
ab isi Dhang se tauqir hamari hogi
ek unwan mein simaT aaenge sau nam 'qatil'
dastan jab koi tahrir hamari hogi
Ghazal
Mehrban hum pe jo taqdir hamari hogi
Qateel Shifai