mausamon wale nae dana o pani wale
hum wahi log wahi naql-e-makani wale
han bacha lenge yahi shahr ko jal jaane se
kuchh to baqi hain abhi shahr mein pani wale
rang kya KHub jamega jo kabhi mil baiThen
aur kuchh log tabiat ki rawani wale
is liye aur bhula deta hun wade akasr
mujh ko milte hi nahin yaad-dahani wale
koi same jo mile mujh ko KHabar kar dena
hain mere shahr mein sab log kahani wale
Ghazal
Mausamon wale nae dana o pani wale
Sarfraz Nawaz