mashwara dene ki koshish to karo
mere haq mein koi sazish to karo
jab kisi mahfil mein mera zikr ho
chup raho itni nawazish to karo
mera kahna harf-e-aKHir bhi nahin
meri mano aazmaish to karo
KHud-satai shewa-e-iblis hai
nazr-e-haq harf-e-sataish to karo
chaar-su zulmat ke pahre-dar hain
rahmaton ki hum pe barish to karo
Ghazal
Mashwara dene ki koshish to karo
Farooq Nazki