main wo dariya hun chaDha ho jo utarne ke liye
ji raha hun main yahan ham-zad marne ke liye
chae-KHane ki nashiston par jaridon ke waraq
peD se patte jhaDe uDne bikharne ke liye
ek main madd-e-muqabil wusat-e-afaq mein
aur sari taqaten gumrah karne ke liye
hafiza viran hone ke liye aabaad tha
nam kuchh honTon pe aae the bisarne ke liye
kar-KHanon ko chale amboh-dar-amboh log
jaanwar nikle charagahon mein charne ke liye
raushni mein KHauf ka ehsas tak hota nahin
kar diya hai off Teble-lamp Darne ke liye
Ghazal
Main wo dariya hun chaDha ho jo utarne ke liye
Maratib Akhtar