main sath-e-sher pe ubhra hun aaftab liye
KHulus-e-fikr shuur-e-nazar ke KHwab liye
suKHan-shanas bhi hai fan se aashna bhi hai
wo kal mila tha mujhe faiz ki kitab liye
sukun-e-jism to hasil kabhi hua hi nahin
main ji raha hun teri qurbaton ke KHwab liye
jhulas raha hai jawani ki lau mein mera badan
teri talash mein hun garmi-e-shabab liye
nazar uTha ki tere ru-ba-ru main Thahra hun
niyaz-o-naz ke mahke hue gulab liye
Ghazal
Main sath-e-sher pe ubhra hun aaftab liye
Niyaz Husain Lakhwera