Maine rahat ka Thikana ab talak paya nahin

main ne rahat ka Thikana ab talak paya nahin
dhup ki barish hai lekin dur tak saya nahin

pi liya jam-e-shahadat sare ahl-e-bait ne
par yazidi lashkaron ko rahm tak aaya nahin

faqr bhi dekhen zara KHatun-e-jannat ka janab
apne kaamon ke liye rakkha koi daya nahin

wo bhaTakte hain jahaalat ke andheron mein yahan
pas jin ke ilm ka thoDa bhi sarmaya nahin

apne rab se ho mohabbat ye bhi kahti hai hadis
aap ne is baat par to ghaur farmaya nahin

apne sab aamal ka mahshar mein duniya hai jawab
hum ne rahbar aaj tak is baat ko socha nahin