main hawa ko munjamid kar dun to kaise sans lun
ret par gir jaun aur phir ukhDe ukhDe sans lun
kab talak roke rakkhun main paniyon ki tah mein sans
kyun na ek din satah-e-dariya se nikal ke sans lun
qila-e-koh-sar par main rakh to dun zarrin charagh
lekin itni shart hai ki us ke badle sans lun
KHwab ke matruk gumbad se nikal kar ek din
apni aankhen khol dun aur lambe lambe sans lun
Ghazal
Main hawa ko munjamid kar dun to kaise sans lun
Rafiq Sandelvi