main bhi kab se chup baiTha hun wo bhi kab se chup baiThi hai
ye hai visal ki rasm anokhi ye milne ki rit nai hai
wo jab mujh ko dekh rahi thi main ne us ko dekh liya tha
bas itni si baat thi lekin baDhte baDhte kitne baDhi hai
be-surat be-jism aawazen andar bhej rahi hain hawaen
band hain kamre ke darwaze lekin khiDki khuli hui hai
mere ghar ki chhat ke upar suraj aaya chand bhi utra
chhat ke niche ke kamron ki jaisi thi auqat wahi hai
Ghazal
Main bhi kab se chup baiTha hun wo bhi kab se chup baiThi hai
Ameeq Hanafi