main apne waqt mein apni rida mein rahta hun
aur apne KHwab ki aab-o-hawa mein rahta hun
kabhi zamin kabhi sair-gah-e-mah-o-nujum
kabhi main aks-e-nazar-ashna mein rahta hun
samaaton par utarta hun misl-e-saut-e-yaqin
dilon ke wahima-e-barmala mein rahta hun
main uDti gard hun ahl-e-hunar ke teshe ki
aur ahl-e-dard ki bhi KHak-e-pa mein rahta hun
main ek faqir-e-KHuda-mast barsar-e-duniya
jamal-e-yar ki hairat-sara mein rahta hun
Ghazal
Main apne waqt mein apni rida mein rahta hun
Ali Akbar Abbas