magar tum sin hua hai aashna dil
ki hum sin ho gaya hai bewafa dil
chaman mein os ke qatron ki manind
paDe hain tujh gali mein ja-ba-ja dil
jo gham guzra hai mujh par aashiqi mein
so main hi jaanta hun ya mera dil
hamara bhi kahata tha kabhi ye
sajan tum jaan lo ye hai mera dil
kaho ab kya karun dana ki jab yun
birah ke bhaD mein ja kar paDa dil
kahan KHatir mein lawe 'abru' kun
hua us mirza ka aashna dil
Ghazal
Magar tum sin hua hai aashna dil
Abroo Shah Mubarak