Logon ne hum ko shahr ka qazi bana diya

logon ne hum ko shahr ka qazi bana diya
is hadse ne hum ko namazi bana diya

tum ko kaha jo chand to tum dur ho gae
tashbih ko bhi tum ne majazi bana diya

ek aur din ki sham kisi tarh ho gai
kuchh de-dila ke haal ko mazi bana diya

bughz-e-muawiya mein sabhi ek ho gae
is ittihad ne mujhe nazi bana diya

KHali alamaton se maani nikal kar
tanqid ko bhi shoabda-bazi bana diya