le chalo mujh ko us aaina-e-ruKHsar ke pas
KHak us zist pe jo yar na ho yar ke pas
nargis-e-chashm ka mat rakh dil-e-ranjur KHayal
yani bimar ko rakhte nahin bimar ke pas
sar mera tan se agar dur kiya sar sadqe
rakhiyo qatil to mujhe apni hi diwar ke pas
chashm-e-mast us ki se aaKHir ko hoi hum bhi KHarab
hai yahi us ki saza baiThe jo mai-KHwar ke pas
yun KHayal us ka sar-afraaz kare hai 'maruf'
shah qadam-ranja kare jun kasu nadar ke pas
Ghazal
Le chalo mujhko us aaina-e-ruKHsar ke pas
Maroof Dehlvi