lakiron ko miTana chahta hun
muqaddar hi ganwana chahta hun
taaqub mein hai mere yaad kis ki
main kis ko bhul jaana chahta hun
gira tha bojh koi sar se mere
usi ko phir uThana chahta hun
sun ai duniya main apna qad ghaTa kar
zara tujh ko jhukana chahta hun
main rishton ke KHas-o-KHashak se phir
naya ek ghar banana chahta hun
main be-maskan hua hun jab se 'kausar'
tere dil mein Thikana chahta hun
Ghazal
Lakiron ko miTana chahta hun
Kausar Mazhari