lage jab subah ki kashti kinare shab
kiya karti hai jaane kya ishaare shab
nahin shikwa magar itna bata do tum
koi tum bin bhala kaise guzare shab
chhuDa kar hath duniya se meri KHatir
chale aao jahan ho tum pukare shab
zara socho ye kis ke waste apne
liye phirti hai daman mein sitare shab
uTha ke ranj-o-gham sare zamane ke
mere dil pe na jaane kyun utare shab
Ghazal
Lage jab subah ki kashti kinare shab
Almas Shabi