LaDka jo KHub-ru hai so mujhse bacha nahin

laDka jo KHub-ru hai so mujh se bacha nahin
wo kaun hai ki jis se main yaro mila nahin

ai bulbulo chaman mein na jao gai bahaar
gulshan mein KHar-o-KHas ke siwa kuchh raha nahin

hai kya sabab ki yar na aaya KHabar ke tain
shayad kisi ne haal hamara kaha nahin

aata nahin wo yar-e-sitamgar to kya hua
koi gham to us ka dil se hamare juda nahin

tarif us ke qad ki karen kis tarah se hum
'taban' hamari fikr to aisi rasa nahin