lab par un ka nam nahin hai
chain nahin aaram nahin hai
lakh bachao mujh se daman
meri mohabbat KHam nahin hai
dil hai pareshan un ki KHatir
pal bhar ko aaram nahin hai
meri mohabbat un par kaamil
ishq mera nakaam nahin hai
mushkil hai har koi dekhe
us ka jalwa aam nahin hai
paikar-e-ulfat hun main 'taban'
nafrat mera kaam nahin hai
Ghazal
Lab par un ka nam nahin hai
Anwar Taban