lab-e-dariya muradon ka makan kaisa raha hoga
ghani palkon tale aab-e-rawan kaisa raha hoga
dahakti aag mein wo saeban kaisa raha hoga
hamare sar ke upar aasman kaisa raha hoga
bahut bechain hai KHak-e-bayaban sar paTakti hai
diwana shahr bhar mein be-aman kaisa raha hoga
sitare bujh gae honge zaminen jal rahi hongi
phir is ke baad sair-e-la-makan kaisa raha hoga
zamin ki be-panahi dekhta hun yaad karta hun
falak pahlu mein tum sa mehrban kaisa raha hoga
Ghazal
Lab-e-dariya muradon ka makan kaisa raha hoga
Khursheed Akbar