lakh parde se ruKH-e-anwar ayan ho jaega
parda khul jaega har parda katan ho jaega
jauhar-e-tegh-e-isalat sab ayan ho jaega
imtihan ke waqt apna imtihan ho jaega
tu agar ai mah aa nikla kisi din baad-e-marg
parda-e-KHak-e-mazar apna katan ho jaega
pech zulfon ke jo khul jaenge ru-e-yar par
sumbul-e-tar aatish-e-gul ka dhuan ho jaega
tu wo gul-ru hai ki tujh ko dekh kar niklegi jaan
bulbul-e-ruh o rawan be-ashiyan ho jaega
ru-e-rangin ki hikayat nazm agar karne lagen
'barq' sab diwan hamara bostan ho jaega
Ghazal
Lakh parde se ruKH-e-anwar ayan ho jaega
Mirza Raza Barq