Kyun DhunDhti rahti hun use sare jahan mein

kyun DhunDhti rahti hun use sare jahan mein
wo shaKHs ki rahta hai mere dil ke makan mein

main wo nahin kahte hain jo kuchh aur karen aur
jo kuchh hai mere dil mein wahi mere bayan mein

ya-rab teri rahmat jo kabhi josh mein aae
main soch bhi paun na kabhi wahm-o-guman mein

kya zikr ki is zist mein kuchh khoya ki paya
ab kuchh bhi to rakkha nahin is sud o ziyan mein

masruf hun itni ki tawajjoh nahin deti
deta hai sada koi mujhe qarya-e-jaan mein

wo sang kabhi mom ki surat bane 'nusrat'
ab itna asar laun kahan apni zaban mein