kya tum ne kabhi zindagi karte hue dekha
main ne to ise bar-ha marte hue dekha
pani tha magar apne hi dariya se juda tha
chaDhte hue dekha na utarte hue dekha
tum ne to faqat us ki riwayat hi suni hai
hum ne wo zamana bhi guzarte hue dekha
yaad us ke wo gulnar sarape nahin aate
is zaKHm se us zaKHm ko bharte hue dekha
ek dhund ki ranon mein pighalti hui pai
ek KHwab ki zarre mein utarte hue dekha
barik si ek daraz thi aur us se guzar tha
phir dekhne walon ne guzarte hue dekha
Ghazal
Kya tumne kabhi zindagi karte hue dekha
Atiiqullah