kya mein kya e'tibar mera
KHwari bas iftiKHar mera
naseh bole hai yun ki goya
dil par hai kuchh iKHtiyar mera
ai shah-sawar and-kai johd
zaKHmi hai nipaT shikar mera
Tuk bachiyo saba ki har qadam par
us kuche mein hai ghubar mera
wo kashti-e-mai de ab ke saqi
jis mein khewa ho par mera
sad-bahr dar-astin hai jo abr
wo jeb hai ya kanar mera
'qaem' hun agarche hech lekin
kya kya kuchh hai e'tibar mera
Ghazal
Kya mein kya etibar mera
Qayem Chandpuri