kya kya dhare ajube hain shahr-e-KHayal mein
bite KHushi se din to kaTe shab malal mein
shayad ki shab ki tah mein hai suraj chhupa hua
shab lag rahi hai khoi si din ke jamal mein
koi kare na ghaur to us ka qusur hai
ek ek jawab warna hai ek ek sawal mein
kuchh milta-julta aks bujhati to hai magar
kab hu-ba-hu samaya hai koi misal mein
Ghazal
Kya kya dhare ajube hain shahr-e-KHayal mein
Abrar Hamid