kya kahen tum se bud-o-bash apni
kaam hi kya wahi talash apni
koi dam aisi zindagi bhi karen
apna sina ho aur KHarash apni
apne hi tesha-e-nadamat se
zat hai ab to pash pash apni
hai labon par nafas-zani ki dukan
yawa-goi hai bas maash apni
teri surat pe hun nisar pa ab
aur surat koi tarash apni
jism o jaan ko to bech hi Dala
ab mujhe bechni hai lash apni
Ghazal
Kya kahen tum se bud-o-bash apni
Jaun Eliya