kuchh to ho kar du-badu kuchh Darte Darte kah diya
dil pe jo guzra tha hum ne aage us ke kah diya
baaton baaton mein jo hum ne dard dil ka bhi kaha
sun ke bola tu ne ye kya bakte bikte kah diya
ab kahen kya us se hamdam dil lagate waqt-e-ah
tha jo kuchh kahna so wo to hum ne pahle kah diya
chah rakhte the chhupae hum to lekin us ka bhed
kuchh to hum ne samne us ham-nashin ke kah diya
ye sitam dekho zara munh se nikalte hi 'nazir'
us ne is se is ne us se kah diya
Ghazal
Kuchh to ho kar du-badu kuchh Darte Darte kah diya
Nazeer Akbarabadi