kuchh log taghayyur se abhi kanp rahe hain
hum sath chale to hain magar hanp rahe hain
naron se siyasat ki haqiqat nahin chhupti
uryan hai badan lakh use Dhanp rahe hain
kya baat hai shahron mein simaT aae hain sare
jangal mein to ginti ke hi kuchh sanp rahe hain
makDi kahin makkhi ko giraftar na kar le
wo shoKH-nigahon se mujhe bhanp rahe hain
ye jhuT hai ya sach hai samajh mein nahin aata
sach bolne mein honT mere kanp rahe hain
Ghazal
Kuchh log taghayyur se abhi kanp rahe hain
Aal-e-Ahmad Suroor