kuchh is tarah se milen hum ki baat rah jae
bichhaD bhi jaen to hathon mein hat rah jae
ab is ke baad ka mausam hai sardiyon wala
tere badan ka koi lams sath rah jae
main so raha hun tere KHwab dekhne ke liye
ye aarzu hai ki aankhon mein raat rah jae
main Dub jaun samundar ki tez lahron mein
kinare rakkhi hui kaenat rah jae
'shakil' mujh ko sameTe koi zamane tak
bikhar ke chaaron taraf meri zat rah jae
Ghazal
Kuchh is tarah se milen hum ki baat rah jae
Shakeel Azmi