kuchh der to sab kuchh TuTne ka mahaul raha
mat puchh ki phir is dil par kaisa haul raha
jab chaha us mein KHud ko chhupa lete hain sab
aawazon ka har zat pe koi KHol raha
yun lagta tha jo baat hai ulTi paDti hai
ab kya hi kahen tab haul sa koi haul raha
ab kaun kahan aaya ki gaya malum nahin
bas qadmon ki aahaT ka ek mahaul raha
kah bhi na saka main us mein shamil tha ki nahin
bas ek chhalawe sa maston ka ghol raha
aawaz-e-faqirana kashkol ummidon ka
ab ye to rahi aawaz wahan kashkol raha
hum 'talKH' faqat us daur ki ab kuchh yaaden hain
jab dard bhi tha kahne ka bhi mahaul raha
Ghazal
Kuchh der to sab kuchh TuTne ka mahaul raha
Manmohan Talkh