Koi shai hai jo sansanati hai

koi shai hai jo sansanati hai
ek dahshat si phail jati hai

zindagi kaT rahi hai sayon mein
dhup aati hai lauT jati hai

jaise jangal pukarta ho mujhe
raat bhar ek sada si aati hai

gunj uThta hai gahra sannaTa
jab daraKHton ko nind aati hai

kis ki yaadon ke dip jal uTThe
dur tak raushni nahati hai

itni ghazlon mein koi achchhi ghazal
ek zamane ke baad aati hai