koi bhi rasta bahut soch kar chununga main
aur ab ki bar akela safar karunga main
use likhunga ki wo rabta kare mujh se
aur iKHtitam pe number nahin likhunga main
main aur hijr ke sadme nahin uTha sakta
wo ab jahan bhi mila hath joD lunga main
jagah jagah na talluq KHarab kar mera
tere liye to kisi se bhi laD paDunga main
wo ek machhli phansane ki der hai mujh ko
phir us ke baad machhera nahin rahunga main
Ghazal
Koi bhi rasta bahut soch kar chununga main
Ziya Mazkoor