kisi se raaz-e-dil kahna ye KHu ruswa karaati hai
teri ye baat tanhai mein paiham yaad aati hai
ki hans ke Talte hain zikr tera koi gar chhoDe
saba phir bhi guzishta raaton ke qisse sunati hai
na jaane saKHt kyun hai dil tera hairat si hoti hai
talab paigham ki tere mujhe aksar rulati hai
bulandi pe agar wo hai to itni be-ruKHi kyun kar
mohabbat mein kashish aisi jo duri ko miTati hai
mere barbaad hone ka na kar charcha jahan se tu
unhin qisson se aksar bu tere hone ki aati hai
Ghazal
Kisi se raaz-e-dil kahna ye KHu ruswa karaati hai
Monika Singh