Kisi ko Khaar kisi sans ko babul kiya

kisi ko KHar kisi sans ko babul kiya
jo hum ne kar-e-mohabbat kiya fuzul kiya

hamesha KHak uDai hai raston ne meri
is intizar ki shiddat ne mujh ko dhul kiya

saja ke rakh diya kanTa bhi mere pahlu mein
kisi bahaar ne mujh ko kabhi jo phul kiya

rah-e-hayat mein aasaishon ko Thukra kar
tumhaare dard ko main ne sada qubul kiya

hamesha phulon ko badla hai KHar-o-KHas mein 'nabil'
kisi bhi KHar ko lekin kabhi na phul kiya