kisi bhi shahr ka mausam suhana chhoD dete hain
garan ho jaen to hum aab-o-dana chhoD dete hain
faqat ek bhul ne man bap ko alqat kiya ghar mein
ki beTe jab siyane hun kamana chhoD dete hain
miyan biwi ke rishte e'timadon ki amanat hain
magar ek aankh donon ghaebana chhoD dete hain
unhen malum hain majbur jebon ke taqaze sab
wo in mein KHubsurat sa bahana chhoD dete hain
hamari faqa-masti aasman ke peT bharti hai
hum apne panw ke niche KHazana chhoD dete hain
Ghazal
Kisi bhi shahr ka mausam suhana chhoD dete hain
Khursheed Akbar